ВУЧЭБНЫ  ПЛАН на  2020/2021

ВУЧЭБНЫ  ПЛАН

Дзяржаўнай установы адукацыі

«Ваверскі вучэбна-педагагічны комплекс дзіцячы сад - сярэдняя школа»

на  2020/2021

навучальны год

ТЛУМАЧАЛЬНАЯ ЗАПІСКА

да вучэбнага плана дзяржаўнай установы адукацыі «Ваверскі вучэбна-педагагічны комплекс дзіцячы сад-сярэдняя школа»

1. Вучэбны план дзяржаўнай установы адукацыі «Ваверскі вучэбна-педагагічны комплекс дзіцячы сад-сярэдняя школа» (далей – установа адукацыі) распрацаваны ў адпаведнасці з часткай першай пункта 4 артыкула 167 Кодэкса Рэспублікі Беларусь аб адукацыі на аснове тыпавога вучэбнага плана сярэдняй школы, школы-інтэрната для дзяцей - сірот і дзяцей, якія засталіся без апекі бацькоў, дзіцячага сада - сярэдняй школы, зацверджанага пастановай Міністэрства адукацыі Рэспублікі Беларусь ад 06.05.2020г. № 83 «Аб тыпавых вучэбных планах агульнай сярэдняй адукацыі» (далей - пастанова 83), тыпавога вучэбнага плана дашкольнай адукацыі, зацверджанага пастановай Міністэрства адукацыі Рэспублікі Беларусь ад 15.07.2020 № 197 «Аб зацвярджэнні тыпавога вучэбнага плана дашкольнай адукацыі», вучэбных планаў спецыяльнай адукацыі на 2020/2021  навучальны год, зацверджаных пастановай Міністэрства адукацыі Рэспублікі Беларусь ад 25 чэрвеня 2020 г. № 155 «Аб вучэбных планах спецыяльнай адукацыі на ўзроўні дашкольнай адукацыі на 2020/2021 навучальны год».

2. Арганізацыя адукацыйнага працэсу ва ўстанове адукацыі ажыццяўляецца ў адпаведнасці з:

 Кодэксам Рэспублікі Беларусь аб адукацыі;

Палажэннем аб установе агульнай сярэдняй адукацыі, зацверджаным пастановай Міністэрства адукацыі Рэспублікі Беларусь ад 20 снежня 2011 г. № 283 (далей – Палажэнне);

Палажэннем аб установе дашкольнай адукацыі, зацверджаным пастановай Міністэрства адукацыі Рэспублікі Беларусь ад ад 25.07.2011 № 15;

Санітарнымі нормамі і правіламі «Патрабаванні для ўстаноў агульнай сярэдняй адукацыі», зацверджанымі пастановай Міністэрства аховы здароўя Рэспублікі Беларусь ад 27 снежня 2012 г. № 206 (далей – СанПіН);

Санітарнымі нормамі і правіламі «Патрабаванні для ўстаноў дашкольнай адукацыі і прызнанні страціўшымі сілу некаторых пастаноў Міністэрства аховы здароўя Рэспублікі Беларусь і іх асобных структурных элементаў», зацверджанымі пастановай Міністэрства аховы здароўя Рэспублікі Беларусь ад 25 студзеня 2013 г. № 8 (далей – СанПіН);

Пастановай Міністэрства адукацыі Рэспублікі Беларусь ад 25.07 2011г. № 136 «Аб зацвярджэнні Інструкцыі аб парадку стварэння спецыяльных груп, груп інтэграванага навучання і выхавання, спецыяльных класаў, класаў інтэграванага навучання і выхавання і арганізацыі адукацыйнага працэсу ў іх».

Пісьмом Міністэрства адукацыі Рэспублікі Беларусь ад 4 верасня 2013 г. № 06-19/95 «Аб некаторых асаблівасцях арганізацыі адукацыйнага працэсу ва ўстановах агульнай сярэдняй адукацыі»;

інструктыўна-метадычным пісьмом “Аб дзейнасці ўстаноў адукацыі, якія рэалізуюць адукацыйныя праграмы агульнай сярэдняй адукацыі, структурных падраздзяленняў абласных (Мінскага гарадскога) выканаўчых камітэтаў, гарадскіх, раённых выканаўчых камітэтаў, мясцовых адміністрацый раёнаў у гарадах, якія ажыццяўляюць дзяржаўна-ўладныя паўнамоцтвы ў сферы адукацыі, у 2020/2021 навучальным годзе”;

інструктыўна-метадычным пісьмом Міністэрства адукацыі Рэспублікі Беларусь «Аб арганізацыі ў 2020/2021 навучальным годзе адукацыйнага працэсу пры вывучэнні вучэбных прадметаў і правядзенні факультатыўных заняткаў пры рэалізацыі адукацыйных праграм агульнай сярэдняй адукацыі», зацверджаным намеснікам Міністра адукацыі Рэспублікі Беларусь 24 чэрвеня 2020 г.;

інструктыўна-метадычным пісьмом Міністэрства адукацыі Рэспублікі Беларусь «Аб арганізацыі ў 2020/2021 навучальным годзе адукацыйнага працэсу ва ўстановах адукацыі, якія рэалізуюць адукацыйныя праграмы дашкольнай адукацыі, адукацыйнай праграмы спецыяльнай адукацыі на ўзроўні дашкольнай адукацыі, адукацыйнай праграмы спецыяльнай адукацыі на ўзроўні дашкольнай адукацыі для асоб з інтэлектуальнай недастатковасцю», зацверджаным намеснікам Міністра адукацыі Рэспублікі Беларусь 24  чэрвеня 2020 г.;

3. Вучэбны план установы адукацыі распрацаваны з улікам максімальнай дапушчальнай тыднёвай вучэбнай нагрузкі вучняў устаноў агульнай сярэдняй адукацыі ў адпаведнасці з пастановай 83;

4. Вучэбны план установы адукацыі ўключае ў сябе пералік вучэбных прадметаў, якія вывучаюцца на базавым і павышаным узроўні, колькасць гадзін на тыдзень на вывучэнне кожнага з вучэбных прадметаў, колькасць вучэбных гадзін на правядзенне факультатыўных, стымулюючых і падтрымліваючых заняткаў, абавязковую і максімальную дапушчальную тыднёвую вучэбную нагрузку вучняў, агульную колькасць гадзін, якія фінансуюцца за кошт сродкаў бюджэту.

Вучэбныя гадзіны, выдзеленыя на правядзенне факультатыўных заняткаў, размяркоўваюцца на правядзенне стымулюючых і падтрымліваючых заняткаў, а таксама могуць выкарыстоўвацца для дзялення класа на групы пры вывучэнні асобных вучэбных прадметаў.

5. На базе ўстановы адукацыі ў 2020/2021 навучальным годзе арганізавана работа ХІ профільнага класа прафесійнай накіраванасці для арыентацыі на атрыманне сельскагаспадарчых (аграрных) спецыяльнасцяў з вывучэннем на павышаным узроўні вучэбнага прадмета «Хімія» у колькасці 4 вучэбных гадзін на тыдзень,  вучэбнага прадмета «Біялогія» у колькасці 4 вучэбных гадзін на тыдзень (у адпаведнасці з заўвагай 2 да тыпавога вучэбнага плана сярэдняй школы, школы-інтэрната для дзяцей-сірот і дзяцей, якія засталіся без апекі бацькоў, дзіцячага сада - сярэдняй школы, зацверджанага пастановай № 83).

6. На базе Дзяржаўнай установы адукацыі «Мажэйкаўскі вучэбна-педагагічны комплекс дзіцячы сад-сярэдняя школа” арганізавана прафесійная падрыхтоўка рабочых (служачых), у межах вучэбнага прадмета «Працоўнае навучанне» па спецыяльнасці «Повар»,  у колькасці 6 вучэбных гадзін на тыдзень (у адпаведнасці з заўвагай 3 да тыпавога вучэбнага плана сярэдняй школы, школы-інтэрната для дзяцей-сірот і дзяцей, якія засталіся без апекі бацькоў, дзіцячага сада - сярэдняй школы, зацверджанага пастановай № 83).

7. Дадаткова выдзяляюцца і фінансуюцца гадзіны:

7.1. у адпаведнасці з пунктам 77 Палажэння:

7.1.1. на правядзенне грамадска карыснай працы – з разліку 1 гадзіна на кожны з III-VIII класаў і 2 гадзіны на кожны з IX-XI класаў;

усяго з III па XI класы – 12 гадзін;

                8. За кошт гадзін, выдзеленых на правядзенне факультатыўных заняткаў, у кожным з I-XI класаў праводзіцца «Гадзіна здароўя і спорту» у аб'ёме 1 гадзіны на тыдзень. Заняткі «Гадзіна здароўя і спорту» з'яўляюцца абавязковымі і ўносяцца ў расклад вучэбных заняткаў. 

Усяго з I па XI клас – 10 гадзін.

8.1. За кошт гадзін, выдзеленых на правядзенне факультатыўных заняткаў, у кожным з VI па IХ клас праводзяцца заняткі па асновах бяспекі жыццядзейнасці.

8.2. За кошт гадзін, выдзеленых на правядзенне факультатыўных заняткаў,  праведзена дзяленне на групы ў VII, IX класах для правядзення заняткаў  па інфарматыцы.

Усяго – 2 гадзіны.

9. За кошт гадзін, выдзеленых на правядзенне факультатыўных заняткаў, перададзена ўпраўленню адукацыі для правядзення заняткаў  алімпіяднай школы 5 гадзін.

10. Вучэбны прадмет дапрызыўная і медыцынская падрыхтоўка  вывучаецца на базе міжшкольнага цэнтра дапрызыўнай падрыхтоўкі Дзяржаўнай установы адукацыі “Сярэдняя школа № 8 г. Ліды”.

11. Па заканчэнні навучальнага года:

11.1. з вучнямі X класаў праводзяцца:

абавязковыя 5-дзённыя вучэбна-палявыя зборы (юнакі) – усяго 30 гадзін;

абавязковая 5-дзённая медыцынская практыка (дзяўчаты) – усяго 30 гадзін;

11.2. з вучнямі V-VIII класаў 5-дзённая працоўная практыка (па 3 вучэбныя гадзіны на дзень) – усяго 15 гадзін на кожны з V-VIII класаў;

12. Адукацыйны працэс пры навучанні і выхаванні вучняў ажыццяўляецца па чвэрцях у наступныя тэрміны:

першая чвэрць - з 1 верасня 2020 г. па 31 кастрычніка 2020 г.;

другая - з 9 лістапада 2020 г. па 24 снежня 2020 г.;

трэцяя - з 11 студзеня 2021 г. па 27 сакавіка 2021 г.;

чацвёртая - з 5 красавіка 2021 г. па 31 мая 2021 г.

На працягу навучальнага года для вучняў устанаўліваюцца канікулы:

восеньскія – 8 дзён з 1 лістапада 2020 г. па 8 лістапада 2020 г. уключна;

зімовыя - 17 дзён з 25 снежня 2020 г. па 10 студзеня 2021 г. уключна;

вясновыя - 8 дзён з 28 сакавіка 2021 г. па 4 красавіка 2021 г. уключна;

летнія - 92 дні з 1 чэрвеня 2021 г. па 31 жніўня 2021 г., для вучняў, якія завяршылі навучанне на II ступені агульнай сярэдняй адукацыі, - 82 дня з 11 чэрвеня 2021 г. па 31 жніўня 2021 г. уключна.

Для вучняў I-II класаў (ІІІ класаў - для навучэнцаў з асаблівасцямі псіхафізічнага развіцця з пяцігадовым тэрмінам навучання на I ступені агульнай сярэдняй адукацыі) у ІІІ чвэрці праводзяцца дадатковыя зімовыя канікулы з 15 лютага 2021 г. па 21 лютага 2021 г. працягласцю 7 дзён. Для выхаванцаў дзіцячага сада летнія - 92 каляндарныя дні, зімовыя - 10 каляндарных дзён, вясновыя - 10 каляндарных дзён.

13. У адпаведнасці з пунктам 58 Палажэння вучэбныя  заняткі па вучэбных прадметах «Фізічная культура і здароўе», «Музыка», «Выяўленчае мастацтва»,  «Працоўнае навучанне»   праводзяцца адначасова  з вучнямі І і ІІІ класаў.

14. Ва ўстанове адукацыі створаны пункт карэкцыйнай педагагічнай дапамогі (11).

15. Арганізаваны адукацыйны працэс для выхаванцаў  з асаблівасцямі псіхафізічнага развіцця на беларускай мове па адукацыйнай праграме спецыяльнай адукацыі на ўзроўні дашкольнай адукацыі ў групе інтэграванага навучання і выхавання для дзяцей з парушэннямі маўлення (рознаўзроставай) ад 3 да 6 гадоў.

16. У адпаведнасці з артыкулам 77, 138 Кодэкса Рэспублікі  Беларусь аб адукацыі, установа адукацыі аказвае платныя дадатковыя адукацыйныя паслугі вучням, выхаванцам дашкольнай установы  звыш вучэбных гадзін, якія ўстаноўлены вучэбным планам.

Вучэбны плангрупы інтэграванага навучання і выхавання № 1

Вучэбны план групы інтэграванага навучання і выхавання № 2

Вучэбны план навучання на І ступені агульнай сярэдняй  адукацыі